සිරිපා කරුණා කරන්න ඔබත් යන්න ඉන්නවද ? දැනගෙනම යන්න එහෙනම්. උඩමළුවට යන්න වෙන්නේ මෙහෙම.

 අහල තියෙනවද අලුත්ම ආරංචිය? මේ දවස්වල ශ්‍රී පාදේ වන්දනා කරන්න යන බැතිමතුන්ටයි මේ කතාව.

දැන් වෙන්නේ මෙහෙමයි. වන්දනාකරුවන් ගොඩක් දෙනෙක්ව ඉඳිකටුපාන පොලිස් මුරපොළ ළඟින්ම රත්නපුර මාර්ගයට හරවලා, ඒ පැත්තෙන් උඩමළුවට යවන්නලු ලෑස්ති වෙන්නේ. මේකට හේතුව වෙලා තියෙන්නේ පහුගිය දවස්වල මහගිරිදඹ පැත්තේ කඩා වැටුණ අති-විශාල පස් කන්දක්.

ජාතික ගොඩනැගිලි පර්යේෂණායතනය සිදුකළ පරීක්ෂාවකින් අනතුරුව මේ බව තීරණය කොට ඇති බවයි නෝර්වුඩ් ප්‍රාදේශිය ලේකම් සමීර ගම්ලත් පවසන්නේ.

මේ තීරණයත් එක්ක, මැද පළාත බාර ජේෂ්ඨ නියෝජ්‍ය පොලිස්පති ලලිත් පතිනායක මහත්තයත් අමතර පොලිස් ආරක්ෂාව යොදවලා තියෙනවා.

ශ්‍රී පාදයට යන හැටන් මාර්ගයේ මහගිරිදඹ ප්‍රදේශයේ පසුගිය දා පස් කන්දක් කඩා වැටීමත් සමග මෙම තීරණය අරගෙන තියෙනවා.

මේ අතරේ, ශ්‍රී පාදස්ථානාධිපති බෙන්ගමුවේ ශ්‍රි ධම්මදින්න නාහිමියන් කියන තවත් පුදුම කතාවක් තියෙනවා. පස් කන්ද කඩා වැටුණ තැනින් ලුහුබැඳ ගිය අයට ඉපැරණි යකඩ පඩිපෙළක් සහ ආරක්ෂිත දම්වැලක් හමුවෙලා තියෙනවා කියලා තමයි උන් වහන්සේ කියන්නේ.

කවුරු කොහොම කිව්වත්, මේ සීමාව දාලා තියෙන්නේ ඔබේ ආරක්ෂාව වෙනුවෙන් බව අමතක කරන්න එපා.