අද (05) දින ඩුබායි සිට ෆිට්ස් එයාර් ගුවන් සේවයේ ගුවන් යානයකින් කටුනායක ගුවන්තොටුපොළ වෙත පැමිණි 29 හැවිරිදි ටැන්සානියානු ජාතික කාන්තාවකට ගුවන්තොටුපොළ තුළදී දරු ප්රසූතියක් සිදු වී ඇත.
එම කාන්තාව කටුනායක ගුවන්තොටුපොළ වෙත පැමිණ යළිත් මැලේසියාවේ ක්වාලාලම්පූර් නුවර වෙත පිටත්ව යාම සඳහා කටුනායක ගුවන්තොටුපොළ සංක්රමණික ගුවන් මගී පර්යන්තයේ රැඳී සිට ඇත.
මගී පර්යන්තයේ රැඳී සිටින අතරතුර ඇයට දරු ප්රසූතිය සඳහා පූර්ව ලක්ෂණ සහිත ප්රසව වේදනා ඇති වීමත් සමඟම ඇය වහාම කටුනායක ගුවන්තොටුපොළ වෛද්ය ප්රතිකාර මධ්යස්ථානය වෙත යොමු කර ඇත.
වෛද්ය ප්රතිකාර මධ්යස්ථානය වෙත යොමු කිරීමෙන් අනතුරුව එහි වෛද්යවරුන් සහ හෙදියන්ගේ සහාය මත ඇය පිරිමි දරුවෙකු ප්රසූත කර ඇති අතර පසුව මව සහ දරුවා වැඩිදුර ප්රතිකාර සඳහා මීගමුව මහ රෝහල වෙත ගිලන් රථයක් මඟින් යොමුකර ඇත.
0 Comments