ගූගල් (Google) වෙතින් ලැබුණු මේ අලුත්ම ආරංචියත් එක්ක දැන් Gmail පාවිච්චි කරන හැමෝම ඉන්නේ පුදුම වෙලා.
මෙච්චර කාලයක් අපිට වෙනස් කරන්න බැරිව තිබුණු ලොකු ප්රශ්නයකට මෙන්න විසඳුමක් ලැබිලා.
ඔයා ඉස්සර හදපු Gmail එකේ නම දැන් කැතයි වගේ හිතෙනවද? නැත්නම් ඒක දැන් Professional මදි වගේද? මෙන්න ගූගල් ආයතනයෙන් අද හෙටම ලැබෙන සුපිරිම අවස්ථාව. මෙච්චර අවුරුදු ගණනාවක් තිස්සේ වෙනස් කරන්න බැරිව තිබුණු @gmail.com ලිපිනයේ මුල් කොටස (Username එක) දැන් පරිශීලකයන්ට කැමති විදියට වෙනස් කරගන්න පුළුවන්.
කලින් නම් මේ පහසුකම තිබුණේ වෙනත් ඊමේල් හරහා හදපු ගිණුම්වලට විතරයි. හැබැයි දැන් ඔයාගේ සාමාන්ය Gmail එකත් වෙනස් කරන්න පුළුවන්.
විශේෂම දේ තමයි, ඔයා අලුත් නමක් දැම්මා කියලා ඔයාගේ පරණ ඊමේල් එක නැති වෙන්නේ නැහැ. ඒක අන්වර්ථ නාමයක් (Alias) විදියට වැඩ කරනවා. ඒ කියන්නේ කවුරුහරි ඔයාගේ පරණ ලිපිනයට ඊමේල් එකක් එව්වත්, ඒක ඔයාගේ අලුත් ගිණුමටම ලැබෙනවා. ගිණුමේ තියෙන ෆොටෝ, මැසේජ් කිසිම දෙයකට හානියක් වෙන්නෙත් නැහැ.
මේකට ගූගල් ආයතනය පුංචි නීති කිහිපයක් දාලා තියෙනවා.
එක් පරිශීලකයෙකුට මේ විදියට නම වෙනස් කරන්න ලැබෙන්නේ මුළු ජීවිත කාලෙටම 3 වතාවක් විතරයි.
එක පාරක් වෙනස් කළාට පස්සේ ආයේ වෙනස් කරන්න ඕනේ නම් වසරක් (අවුරුද්දක්) බලාගෙන ඉන්න වෙනවා.
මේ පහසුකම දැනටමත් ලෝකය පුරා නිකුත් කරමින් පවතිනවා. ඔයාගේ ගිණුමට තාම ඇවිත් නැත්නම් තව දින කිහිපයකින් ඒක ලැබේවි.
0 Comments