ශ්‍රී ලංකාවේ ආපදාව නිසා ඉන්දියාව සහ පාකිස්තානය නැවත ගැටුමක.!

ඉන්දීය මාධ්‍ය පවසන්නේ ශ්‍රී ලංකාවට ආපදා ආධාර රැගෙන යාම සඳහා සිය ගුවන් කලාපය හරහා ගමන් කිරීමට අවසර ඉල්ලුවද ඉන්දියාව ඒ සඳහා අවසර ලබා නොදුන් බවට පාකිස්තාන මාධ්‍යයන් විසින් පලකර ඇති වාර්තා පදනම් විරහිත බවයි.

මාස ගණනාවක් දෙරටේ ගුවන් කලාප වසා තිබූ නමුත් පාකිස්තානයේ ඉල්ලීම සලකා බලා කඩිනමින් අදාළ අවසරය ලබා දීමට කටයුතු කළ බව ඉන්දීය ආරක්ෂක නිලධාරින් විසින් පවසා ඇත.

පාකිස්තානය විසින් සිදුකරනා “පදනම් විරහිත සහ නොමඟ යවන” ප්‍රකාශ තරයේ ප්‍රතික්ෂේප කරන බව ඉන්දියාව දැඩිව අවධාරනය කරයි.

පාකිස්තානයේ ඉල්ලීම මත පැය 4ක වැනි කෙටි කාලයක් ඇතුලත සඳුදා (01) දින සවස 17.30 ට (IST)වනවිට නිල වශයෙන් අවසර ලබා දී පකිස්තාන රජයට ද එය නිල වශයෙන් දැනුම් දුන් බවත් ඉන්දීය මාධ්‍යවල වාර්තා වේ.