එළිමහනේ වැඩවලින් ප්‍රවේශම් වෙන්න!
දිස්ත්‍රික්ක රැසකට
ඇඟට දැනෙන උණුසුම වැඩිවෙයි..
කාලගුණයෙන් ඇම්බර් අනතුරු ඇඟවීමක්
උතුරු මැද සහ නැගෙනහිර පළාත්වල මෙන්ම යාපනය, කිලිනොච්චිය, මුලතිව්, වවුනියාව, මොණරාගල සහ හම්බන්තොට දිස්ත්‍රික්ක සඳහා ‘ඇම්බර්’ මට්ටමේ උණුසුම් කාලගුණ අනතුරු ඇඟවීමක් නිකුත් කර තිබේ.
කාලගුණ විද්‍යා දෙපාර්තමේන්තුව සඳහන් කරන්නේ එම ප්‍රදේශවල දිවා කාලයේදී මිනිස් සිරුරට දැනෙන උෂ්ණත්වය හෙවත් **Heat Index** ඉහළ යා හැකි බවයි. එම දර්ශකය සාපේක්ෂ ආර්ද්‍රතාවය සහ උපරිම උෂ්ණත්වය පදනම් කර ගනිමින් ගණනය කරනු ලබන අතර, මිනිස් සිරුරට දැනෙන උෂ්ණත්වය පිළිබඳ අදහසක් ලබාදෙයි.
දිගු වේලාවක් දැඩි හිරු එළියට නිරාවරණය වීම සහ වෙහෙසකර එළිමහන් ක්‍රියාකාරකම්වල නිරත වීම හේතුවෙන් විඩාව ඇතිවිය හැකි අතර, අඛණ්ඩව දැඩි ශාරීරික ක්‍රියාකාරකම්වල නිරත වීමෙන් **තාප කැක්කුම් (Heat Cramps)** ඇතිවීමේ අවදානමක්ද පවතින බවට අනතුරු අඟවා තිබේ.
එබැවින් ප්‍රමාණවත් ලෙස ජලය පානය කරන ලෙසත්, දැඩි හිරු රශ්මිය පවතින කාලවල වෙහෙසකර එළිමහන් ක්‍රියාකාරකම් සීමා කරන ලෙසත් ජනතාවට උපදෙස් ලබාදී තිබේ.
