නම දැක්ක ගමන් පිටකවරයෙන් පොත මනින සමාජයක, තමන්ගේම සීමාවන් ඇතුළේ ඉඳලා චරිතයකට උපරිම සාධාරණයක් කරන රංගන ශිල්පිනියක් තමයි දිල්රුෆා ෂනාස්.
නිරූපණයෙන් සහ නිවේදනයෙන් ක්ෂේත්‍රයට ඇවිත්, ‘ගිනි මල් පොකුරු‘ සහ ‘69‘ චිත්‍රපට හරහා සිනමාවට ආපු ඇය නිකම්ම නිකම් නිළියක් විතරක් නෙමෙයි, සැලූන් දෙකක අයිතිකාරියක් විදිහට සාර්ථක ව්‍යාපාරිකාවකගේ භූමිකාවද නිරූපණය කරනවා. මේ දවස්වල තිරගත වන ‘ජිගලෝ‘ චිත්‍රපටයේ ‘ටාෂියා‘ගේ චරිතය හරහා ඇය නැවතත් කාගේත් අවධානය දිනාගෙන සිටිනවා.
තමන්ව අනිත් අය වගේම සාමාන්‍ය කෙනෙක් විදිහට දකින දිල්රුෆා, ක්ෂේත්‍රයට එන්නේ අහම්බෙන්. නිරූපණයෙන් සහ නිවේදනයෙන් අත්දැකීම් ලැබූ ඇයට රංගනයට පාර කපන්නේ චුලක්ෂි රණතුංගයි. ඒ අනුව උදයකාන්ත වර්ණසූරියගේ ‘ගිනි මල් පොකුරු’ තුළින් රංගනයට පිවිසි ඇය, පසුව උදාර පල්ලියගුරුගේ ‘69’ චිත්‍රපටයටත් සම්බන්ධ වුණා.
‘ජිගලෝ’ චිත්‍රපටයේ නම ඇසුණු සැණින් සමාජයේ යම් යම් වැරදි මත ඇති විය හැකි වුවත්, පිටකවරය බලලා පොතක් ගැන තීරණය නොකරන ලෙස ඇය ප්‍රේක්ෂකයන්ගෙන් ඉල්ලා සිටිනවා. චිත්‍රපටයේ එන පෙම්වතුන් අතර සිදුවන ඇතැම් දර්ශන දෙස සමහරුන් වැරදියට බැලුවද, ඇය ඒ හැමදේම කර ඇත්තේ තමන්ගේ සීමාවන් ඇතුළේ ඉඳිමිනුයි. වැඩිහිටි ලේබලයට යට නොවී, කිසිදු වැරදි දර්ශනයකට පෙනී නොසිට, තමන්ට හිමි වූ චරිතයට සාධාරණයක් කිරීමට ඇය වගබලාගෙන තිබෙනවා.
සිනමාව ගැන ආධුනිකයෙකු ලෙස තවමත් ඉගෙන ගනිමින් සිටින ඇයට, ප්‍රවීණයන්ගෙන් ලැබුණු සහයෝගයද ඉහළින්ම අගය කරනවා. ඉදිරියේදී වින්ද්‍යා හාරිස්පත්තුවගේ ‘ගරා’ චිත්‍රපටය හරහා පොලිස් නිලධාරිනියකගේ වෙනස්ම චරිතයකින් ඇයව දැකගත හැකි වනු ඇති.
රංගන ක්ෂේත්‍රයේම දිගටම රැඳී සිටීමේ අදහසක් නැති ඇය, තමන්ගේ ව්‍යාපාර කටයුතු අතරතුර හොඳ නිර්මාණයක් ලැබුණහොත් පමණක් ඊට දායක වීමට බලාපොරොත්තු වෙනවා. ඒ අනුව ඉදිරියේදී ඇය රංගනයෙන් දායක වූ තවත් චිත්‍රපට දෙකක් තිරගත වීමට නියමිතයි.
නිරූපණයෙන් සහ නිවේදනයෙන් ක්ෂේත්‍රයට ඇවිත්, ‘ගිනි මල් පොකුරු‘ සහ ‘69‘ චිත්‍රපට හරහා සිනමාවට ආපු ඇය නිකම්ම නිකම් නිළියක් විතරක් නෙමෙයි, සැලූන් දෙකක අයිතිකාරියක් විදිහට සාර්ථක ව්‍යාපාරිකාවකගේ භූමිකාවද නිරූපණය කරනවා. මේ දවස්වල තිරගත වන ‘ජිගලෝ‘ චිත්‍රපටයේ ‘ටාෂියා‘ගේ චරිතය හරහා ඇය නැවතත් කාගේත් අවධානය දිනාගෙන සිටිනවා.
තමන්ව අනිත් අය වගේම සාමාන්‍ය කෙනෙක් විදිහට දකින දිල්රුෆා, ක්ෂේත්‍රයට එන්නේ අහම්බෙන්. නිරූපණයෙන් සහ නිවේදනයෙන් අත්දැකීම් ලැබූ ඇයට රංගනයට පාර කපන්නේ චුලක්ෂි රණතුංගයි. ඒ අනුව උදයකාන්ත වර්ණසූරියගේ ‘ගිනි මල් පොකුරු’ තුළින් රංගනයට පිවිසි ඇය, පසුව උදාර පල්ලියගුරුගේ ‘69’ චිත්‍රපටයටත් සම්බන්ධ වුණා.
‘ජිගලෝ’ චිත්‍රපටයේ නම ඇසුණු සැණින් සමාජයේ යම් යම් වැරදි මත ඇති විය හැකි වුවත්, පිටකවරය බලලා පොතක් ගැන තීරණය නොකරන ලෙස ඇය ප්‍රේක්ෂකයන්ගෙන් ඉල්ලා සිටිනවා. චිත්‍රපටයේ එන පෙම්වතුන් අතර සිදුවන ඇතැම් දර්ශන දෙස සමහරුන් වැරදියට බැලුවද, ඇය ඒ හැමදේම කර ඇත්තේ තමන්ගේ සීමාවන් ඇතුළේ ඉඳිමිනුයි. වැඩිහිටි ලේබලයට යට නොවී, කිසිදු වැරදි දර්ශනයකට පෙනී නොසිට, තමන්ට හිමි වූ චරිතයට සාධාරණයක් කිරීමට ඇය වගබලාගෙන තිබෙනවා.
සිනමාව ගැන ආධුනිකයෙකු ලෙස තවමත් ඉගෙන ගනිමින් සිටින ඇයට, ප්‍රවීණයන්ගෙන් ලැබුණු සහයෝගයද ඉහළින්ම අගය කරනවා. ඉදිරියේදී වින්ද්‍යා හාරිස්පත්තුවගේ ‘ගරා’ චිත්‍රපටය හරහා පොලිස් නිලධාරිනියකගේ වෙනස්ම චරිතයකින් ඇයව දැකගත හැකි වනු ඇති.
රංගන ක්ෂේත්‍රයේම දිගටම රැඳී සිටීමේ අදහසක් නැති ඇය, තමන්ගේ ව්‍යාපාර කටයුතු අතරතුර හොඳ නිර්මාණයක් ලැබුණහොත් පමණක් ඊට දායක වීමට බලාපොරොත්තු වෙනවා. ඒ අනුව ඉදිරියේදී ඇය රංගනයෙන් දායක වූ තවත් චිත්‍රපට දෙකක් තිරගත වීමට නියමිතයි.
